Оҕо саас, оҕо саас!
Саппаҕырбат оҕо саас!
Сайыҥҥыны айхаллыыр
Ыллыыр-туойар кэрэ саас.
Оҕо көмүскэлин күнүгэр «Чэчир» НАДЬ Өкүндү нэһилиэгин оҕолорун үөрүүлээх түһүлгэҕэ түмэ тарта. О5олорбут барахсаттар кыралыын-улаханныын тоҕуоруһа мустаннар оонньоотулар — көрүлээтилэр. Бырааһынньык кыргыттар аныгы үҥкүүлэринэн саҕаланна, онтон «Солнечный круг» күргүөм ырыа ньиргийдэ. Дьэ ,онтон, хамаандаларга арахсан «Көрдөөх стартар», канат тардыһыыта, урукку оонньуулар тыҥааһыннаах, эйэ- дэмнээх көхтөөх күрэхтэр буоллулар. Ким да туора турбакка, бэйэ-бэйэҕэ көмөлөсүһэн, көҕүлэһэн оҕолор бэйэлэрин бырааһынньыктарын киэргэттилэр. Сахарнай вата, мороженай, минньигэс утахтар атыыланнылар. Көрө кэлбит эбээлэргэ, ийэлэргэ, оҕолорбутугар истиҥ махтал уонна өссө төгүл эҕэрдэ. Кэнчээри ыччаппыт үрдүгэр мэлдьи ыраас халлааны.