Архивы за месяц Апрель, 2021

Муус устар 27 күнэ, 2021 сыл. «Сахам сирин былааҕа»

Бүлүү улууһугар Дойдуга бэриниилээх буолуу сылын чэрчитинэн Сахабыт Өрөспүүбүлүкэтин күнүгэр аналлаах «Сахам сирин былааҕа» аһаҕас илиинэн оҥоһук күрэҕэр 1 миэстэни ылла Үөһээ Бүлүү улууһуттан Мааҥаас нэһилиэгиттэн Васильева Саргылана Васильевна. 2 миэстэни ылла Орто — Сурт, Горнай улууһуттан Алексеева Арианна үһүс кылаас үөрэнээччитэ. 3 миэстэни Сунтаар улууһуттан Кутана нэһилиэгиттэн Максимова Вова, сэттис кылаас үөрэнээччитэ.

Кулун тутар 30 күнэ, 2021 с. Дьол уонна Поэзия күнэ

Аан дойдутааҕы Дьол уонна Поэзия күнүгэр аналлаах Саха худуоһунньуга Андрей Чикачев хартыыналарынан куйаар ситимин нөҥүө аһаҕас хоһоон айааччыларга күрэх ыытылынна. 14 киһи кыттыыны ылбытыттан Бүлүү улууһун Чинэкэ нэһилиэгиттэн Анна Семенова — Арылы Кустук «Үс бухатыыр» хартыыналарыгар суруйбут «Булчут» хоһооно бастакы миэстэни ылла.

Кулун тутар 8 күнэ, 2021 с. «Күнчээнэ Куо»

Аан дойду Кэрэ Куоларын күнүгэр аналлаах куйаар ситимин нөҥүө «Күнчээнэ Куо» кырачаан кыргыттарга күрэх ыытылынна. 1 миэстэни ыллылар Варя Веревкина Тааһаҕар нэһилиэгэ, Инесса Петрова Өкүндү нэһилиэгэ, Динара Михайлова Чинэкэ нэһилиэгэ, Алиса Иванова Сыдыбыл нэһилиэгэ, Иванна Каратаева Булуу куората.

Олунньу 24 күнэ, 2021 с. «Мин эмиэ саллааппын»

Аҕа Дойду көмүскэлин күнүгэр аналлаах уһуйаан итиллээччилэригэр уонна алын кылаас оҕолоругар «Мин эмиэ саллааппын» онлайн аһаҕас күрэх ыытылынна. 1 миэстэни ыллылар уһуйаан итиллээччилэригэр Аскалон Алексеев, Тыымпы нэһилиэгэ, алын кылаас оҕолоругар Касьян Болтунов, Тааһаҕар нэһилиэгэ.

Олунньу 22 күнэ, 2021 с. «Икки сулус»

Аҕа дойду көмүскэлин күнүгэр аналлаах Аржаков түөлбэ эр дьонноругар «Икки сулус» ырыа күрэҕэ Бөтүн нэһилиэгэр буолан ааста. Уопсайа 10 эр киһи кыттыыны ылбыттара. «Икки сулус» үрдүк аатын ылбыттара Юрий Руфов, Вячеслав Корнилов. Хас биирдии дуэттарга анал ааттар туттарыллыбыттара.

Олунньу 12 күнэ, 2021 с. Төрөөбүт тыл уонна сурук — бичик күнэ

Төрөөбүт тыл уонна сурук — бичик күнүгэр аналлаах «Сахам сирэ барахсан» аһаҕас күрэх квиз — оонньуу, meet нөҥүө олус сэргэхтик буолан ааста. Бүлүү куоратыттан, Горнай, Сунтаар улуустарыттан, Чинэкэ, Өкүндү нэһилиэктэриттэн кыттыыны ыллылар. Кыайыылааҕынан Бүлүү куоратыттан Анастасия Никифоровна таҕыста.

Яндекс.Метрика