Архивы за месяц Май, 2023

Самаан сайыны көрсө салама ыйааһына

Ыам ыйын 29 күнүгэр нэһилиэкпит Далбар Хотуттара үгэс быһыытынан самаан сайын салаллан кэлбитин, күөх сирэмҥэ үктэммити бэлиэтээн, Эбэбитин аһатыы сиэрин- туомун толорон, салама ыйыы тахса сырыттылар. Сахалыы мааны таҥастаах кырдал устун хаамыстылар, оҕо сааһы эргитэн оонньоон-көрүлээн, хонуу устун сырсан күрэхтэһэн көрү-нары көҕүлүттэн тутан, мааны астаах сандалы тула олорон сэһэн-сэппэн дэлэтэн дуоһуйа сынньаннылар, үөрдүлэр-көттүлэр. Өбүгэ үгэһинэн, …

УЛУУ КЫАЙЫЫ 78 сылын көрсө

Өрөгөйдөөх Улуу Кыайыы күнүн Өкүндүгэ өрө күүрүүлээхтик бэлиэтээтибит. Кыайыы скверигэр аҕам саастаахтарбыт, тэрилтэлэр коллективтара, оҕо- аймах тоҕуоруһа муһунна. Олохтоох дьаһалта баһылыга дириҥ ис хоһоонноох эҕэрдэ тыл эттэ, сэрии оҕолоругар , ытык кырдьаҕастсрбытыгар үгэскэ кубулуйбут тэрилтэлэр күүстэринэн оҥоһуллубут сухой паек бэлэх туттартаата, соҕотох тыыл ветерана Р.Т.Сивцеваҕа депутат А.В. Гоголев аатыттан бэлэх уунна. Биһиги нэһилиэктэн Украинаҕа буола …

Өкүндүгэ «Кэриэстэбил чүмэчитэ» акция ыытылынна

Бүгүн ыам ыйын 8 күнүгэр сэрии толоонуттан төннүбэтэх буойуттар, Кыайыыны үлэ фронугар, тыылга уһансыбыт биир дойдулаахтарбыт кэриэстэригэр үгэс буолбут «Кэриэстэбил чүмэчитэ» аахсыйа ыытылынна. Кыра нэһилиэк диэтэххэ оҕолуун-уруулуун, эдэрдиин-эмэнниин элбэх дьон тоҕуоруһа мустубута кэлбит дьону үөртэ да, долгутта да. «Чэчир» НАДь үлэһиттэрэ олохтоох автор Николай Кузьмин хоһоонун аахтылар, сэрии толоонугар охтубут буойуттары ааттаан, ахтан аастылар. Биир …

«Үлэ — сайдыы, күргүөм күүс» фестиваль — күрэх чэрчитинэн волейбол күрэҕэ

Ыам ыйын 4 күнүгэр Саха Өрөспүүбүлүкэтигэр Үлэ, Бүлүү улууһугар Доруобуйа сылларынан тэрилтэлэр икки ардыларыгар «Үлэ — сайдыы, күргүөм күүс» фестиваль-күрэх чэрчитинэн волейбол күрэх ыытылынна. Уопсайа үс хамаанда күөн көрүстүлэр. Олус күүрээннээх күрэхтэһии түмүгүнэн үһүскэ уһуйаан хамаандата, иккис миэстэҕэ олохтоох дьаһалта, «Чэчир» НАДь, балыыһа коллективтарын холбоһуктаах хамаандата таҕыстылар. Онтон кыайыылааҕынан оскуола хамаандата буолла. Хамаандалар олус тыҥааһыннаах …

Яндекс.Метрика