Архивы за месяц Май, 2022

«Дорообо, төрөөбүт алааһым» Н.М.Иванова хоһоонун хомуурунньугун сүрэхтэниитэ

Ыам ыйын 25 күнүгэр биһиги нэһилиэккэ биир үөрүүлээх түгэн тосхойдо. Ол курдук, Өкүндү нэһилиэгин бочуоттаах олохтооҕо, үлэ бэтэрээнэ Нина Михайловна Иванова «Дорообо, төрөөбүт алааһым» диэн хоһоон хомуурунньугун сүрэхтэниитэ буолла. Кинигэҕэ 30 хоһоон киирдэ, Дьокуускай куорат Гагарин аатынан типографияҕа автор 75 сааһын көрсө бэчээттэнэн тахсыбыта. Олус истиҥ, сэргэх тэрээһин буоларын кэлбит дьон бэлиэтээн махтал тылларын анаатылар. …

Саха Республикатыгар Ырыа күнүнэн олоҕун ырыаҕа анаабыт биир дойдулаахпыт, СР культуратын туйгуна, сцена ветерана, баян тутуурдаах, ырыа аргыстаах Николай Петрович Трофимов «Кынаттаах ырыалары дьиэрэтиэх» диэн 2012 сыллаахха 65 сааһын көрсө ыытыллыбыт айар киэһэтэ

Бүтүн Сойуустааҕы Пионерскай организация тэриллибитэ 100 сылыгар, Өкүндү нэһилиэгэр 100 киһилээх субуотунньук

Бүтүн Сойуустааҕы Пионерскай организация, Саха АССР тэриллибиттэрэ 100 сылларынан 100 киһилээх күргүөмнээх субуотунньук ыытылынна. Бары тэрилтэлэр, түмсүүлэр кыһыл хаалтыс бааныылаах көхтөөх кыттыыны ыллылар. Субуотунньук иннинэ хас биирдии тэрилтэ салайааччылара пионер кэмин санаан нэһилиэк баһылыгар аат, девиз, ырыа толкуйдаан рапорт эттилэр. Түмүгэр «Марш юных пионеров» ырыа ньиргийдэ, онтон күргүөмүнэн субуотунньукка таҕыстыбыт.

Улуу Кыайыы 77 сылын көрсө Өкүндү нэһилиэгин үөрүүлээх парада

Ыам ыйын 9 күнэ — Өрөгөй күнэ. Бу күн хаары-тыалы ахсарбакка Өкүндү нэһилиэгэр үөрүүлээх парад өрө күүрүүлээхтик ыытылынна. Сарсыардаттан дьаһалта иннигэр Кыайыы өрөгөй ырыалардаах музыка ньиргийэн дьону парадка угуйда. Сэриигэ сырдык тыыннарын толук уурбут буойуттар, этэҥҥэ эргиллэн кэлэн ветеран аатын ылбыттар, тыылга, үлэ фронугар кыайыыны уһансыбыттар хаартыскалара «Өлбөт-сүппэт полка» буолан парадка кыттыста. Парады саҕалаата эдэр …

Улуу Кыайыы 77 сылын көрсө «Өйдөбүнньүк чүмэчи» акцияҕа Өкүндү нэһилиэгэ көхтөөх кыттыыны ылла

Быйыл үгүс элбэх сиэртибэлээх Аан Дойдуну атыйахтаах уулуу аймаабыт, хас биирдии ыалы хаҕыс тыынынан хаарыйбыт хааннах сэриигэ Улуу Кыайыыны ситиспиппит 77-с сыла. Өкүндү нэһилиэгиттэн 66 киһи сэриигэ ыҥырыллан барбытыттан 40-на дойдуларыгар төннүбэккэ сэрии толоонугар хаалбыта. Ыам ыйын 8 күнүгэр «Өйдөбүнньүк чүмэчи» бүтүн Россиятааҕы акцияҕа кыттыһан нэһилиэк дьонун-сэргэтин «Чэчир» НАДЬ үгэс курдук, Кыайыы скверигэр түмэ тарта. …

Яндекс.Метрика