«Эгэлгэ Мааска» аһаҕас көр-күлүү күрэҕэ

Муус устар 8 күнүгэр Тааһаҕар нэһилиэгэр, “Эйгэ” норуот айымньытын Дьиэтигэр, үгэскэ кубулуйбут “Эгэлгэ Мааска” аһаҕас көр-күлүү күрэҕэ буолан ааста. Үөһээ Бүлүү Боотулу, Тааһаҕар норуодунай театрдара уонна Тыымпы, Чинэкэ, Өкүндү театральнай бөлөхтөрө кыттыыны ыллылар. Биһиги “Эмэгэт” театральнай студиябыт оригинальнай жанрга “Ромашковое поле” клоунаданан,

“Быһа эфир” көрдөөх сценканан

уонна Антонина Григорьева “Тэлгэһэм дорҕоонноох доҕотторо” диэн монологунан кытынныбыт. Түмүккэ “Быһа эфир” көрдөөх сценкабыт “Чаҕылхай бөлөх” диэн анал номинация хаһаайына буолла. Уопсай түмүккэ үһүс бочуоттаах миэстэҕэ тигистибит. Иккис миэстэ Тыымпы, бастакы миэстэ Тааһаҕар нэһилиэгэ буоллулар. Онтон муҥутуур кыайыылааҕынан Чинэкэ театральнай бөлөҕө таҕыста. Биһиги эдэр үлэһиппит Альберт Степанов сценаҕа саҥа сүрэхтэнэн көрөөччү биһирэбилин ылла.
Бэриниилээх Өкүндүбүт нэһилиэгин көрөөччүлэригэр, кэлэн дохсун ытыскыт тыаһынан өйөбүл буолбуккутугар, истиҥ махталбытын тиэрдэбит.