Аҕа дойдуну көмүскээччилэр күннэригэр аналлаах эр дьоҥҥо БИЛЬЯРДКА ТУРНИР ыытылынна

Аҕа дойдуну көмүскээччилэр күннэригэр аналлаах бильярд күрэҕэр сытыы киирсии кэннэ:
1-кы миэстэ — Илья Федоров
2-с миэстэ — Николай Иванов
3-с миэстэ — Аркадий Афанасьев буоллулар. Кыайыылаахтарга истиҥ эҕэрдэ!

• 

Нэһилиэкпит эр дьонун «Чэчир» НАДь иллээх коллектива сыалаах убаһа тоҥ этинэн, хартатынан, эттээх бэрэскинэн, салатынан, араас утаҕынан күндүлээтибит,

«Эр киһи эрэлбит, уол оҕо — кэскилбит» диэн араас сыллардааҕы тэрээһиннэр хаартыскаларын быыстапкатын тэрийдибит.

Мустубут эр дьоммутун клуб директора М.Г.Сивцева эҕэрдэлээн тыл эттэ, биир дойдулаахпыт Виктор Николаевич Захаров Германияҕа сулууспалаабыттарга аналлаах өйдөбүнньүк мэдээли туппутун иһитиннэрдэ, эйэлээх кэм ветераннарын Егор Трофимовы, Борис Васильевы, Григорий Иванову, Арсентий Васильевы, Сергей Мандаровы истиҥник аҕынна, Украинаҕа анал байыаннай операцияҕа сылдьар хоһуун буойуттарбыт Алексей Кузьмин, Эрдэм Балданов, Эрдэм Шойдоков этэҥҥэ эргиллэн кэлэллэригэр баҕарда.
Бүгүҥҥү тэрээһиҥҥэ сылдьыбыт эрэллээх эркиннэрбит, эр дьоммут кэмчи, ол эрэн ис сүрэхтэн тахсар махтал тылларын этэн тарҕастылар.