Ийэ тыл уонна сурук-бичик күнэ

Ийэ тыл уонна сурук- бичик күнэ.
Бүгүн олунньу 13 күнэ — саханы саха дэтэр Ийэ тыл өрөгөйүн күнэ. Өкүндү нэһилиэгэр үгэс буолбут тыл алгыһа, оһуокай, хоһоон түһүлгэтэ ыытылынна. Тэрээһин хомусчуттар ансаамбылларын көмүс дорҕоонуттан саҕаланна.

Алгыстаах алаадьыннан «Чэчир» НАДь үлэһиттэрэ уонна нэһилиэк Далбар Хотуттара кэлбит ыалдьыттары, оҕолору айах туттулар.

• 

Тыл алгыһын оҥордо өр кэмнэргэ төрүт культура учуутала, В.О.Каратаев-Харатай Баһылай кыыһа, СР үөрэҕириитин туйгуна А.В.Мандарова. Хоһоон түһүлгэтигэр кыттыыны ыллылар Өкүндү оскуолатын эр дьон учууталлара,

үөрэнээччилэрин кытта,

олохтоох дьаһалта үлэһиттэрэ баһылыктарын кытта бука бары,

«Кэнчээри» оҕо садын үлэһиттэрэ,

«Чэчир» НАДь коллектива.

Тэрээһин күргүөм дорҕоонноох оһуокайынан түмүктэннэ. Эбиэт кэннэ сылын аайы ыытыллар

сахалыы дьыктаан акцияҕа олохтоох библиотекаҕа мустан кытынныбыт.