Улуу Кыайыы 77 сылын көрсө «Өйдөбүнньүк чүмэчи» акцияҕа Өкүндү нэһилиэгэ көхтөөх кыттыыны ылла

Быйыл үгүс элбэх сиэртибэлээх Аан Дойдуну атыйахтаах уулуу аймаабыт, хас биирдии ыалы хаҕыс тыынынан хаарыйбыт хааннах сэриигэ Улуу Кыайыыны ситиспиппит 77-с сыла.

Өкүндү нэһилиэгиттэн 66 киһи сэриигэ ыҥырыллан барбытыттан 40-на дойдуларыгар төннүбэккэ сэрии толоонугар хаалбыта.

Ыам ыйын 8 күнүгэр «Өйдөбүнньүк чүмэчи» бүтүн Россиятааҕы акцияҕа кыттыһан нэһилиэк дьонун-сэргэтин «Чэчир» НАДЬ үгэс курдук, Кыайыы скверигэр түмэ тарта. Мэлдьи да буоларын курдук, дьон сэрииттэн төннүбэтэх буойун аймахтарын хаартыскатын тутан туран олохтоох автор Н.А.Кузьмин «Төннүбэтэх түөрт уоннар» хоһоонун харах уулаах иһиттилэр. Кэриэстэбил мүнүүтэ кэнниттэн бастакы өйдөбүнньүк чүмэчини уурда, сэрии оҕото, нэһилиэк ытык кырдьаҕаһа Р.У.Иванова. «Өйдөбүнньүк чүмэчи», «Өлүүнү билиммэт полка» акциялара көлүөнэттэн көлүөнэҕэ умнуллубатын, тиһигин быспакка ыытылла турдун. Ким да умнуллубат, туох да умнуллубат!

Добавить комментарий

Ваш адрес email не будет опубликован. Обязательные поля помечены *

Яндекс.Метрика