МБУ ДНТ "Чэчир" МО "Екюндюнский наслег" МР "Вилюйский улус (район)" РС(Я) 
Бүгүн о.э. муус устар 27 күнүгэр сарсыарда 11ч. Саха АССР тэриллибэтэ 100 сылын бэлиэтиир үөрүүлээх үбүлүөйдээх митинигэр муһуннубут.
Үөрүүлээх митин Өрөгөй үҥкүүтүнэн арылынна. Эҕэрдэ тыллары эттилэр «Өкүндү нэһилиэгин» МТ баһылыга Никифор Петров, Социалистическай Үлэ Геройа В.П. Трофимова аатынан Өкүндү сүрүн уопсай үөрэхтээһин оскуолатын директора Алексей Шадрин, нэһилиэк депутаттарын сэбиэтин аатыттан Анна Сидорова, Өкүндү нэһилиэгин ветераннарын сэбиэтин председателэ Федосия Мандарова.
Үөрүүлээх быһыыга К.Н.Поскачинаҕа уонна С.А.Протопоповка «Өкүндү нэһилиэгин сайдыытыгар кылаатын иһин» бэлиэ, нэһилиэк саастаахтарыгар «Саха АССР 100 сыла» үбүлүөйнэй бэлиэлэри туттартаатылар.
Эҕэрдэ музыкальнай нүөмэрдэр, Иван Данилов «Сахам Сирэ барахсан», «Туруҥ, туруҥ туойуҥ!» эр дьоннор хоһоонноро дьон биһирэбилин ыллылар.
Киэн туттар биир дойдулаахпыт Социалистическай үлэ Геройа Варвара Петровна Трофимова памятнигар күөх гирлянда уурулунна.
Саха Республикатын культуратын туйгуна А. Н.Петрова таһаарыылаах Марк Жирков музыкатыгар, Алексей Тимофеев тылларыгар «Төрөөбүт дойдум туһунан ырыаны» бары сэлэлии туран ыллаатыбыт.
Ол кэннэ » Үбүлүөйдээх оһуохай» түһүлгэтин СР Үөрэҕэриитин туйгуна А.В.Мандарова, Б.Н.Васильев таһаардылар. Үөрүүлээх миитиммит «Саха сирин уруйдуубун» флешмобунан түмүктэннэ.
