«Ырыаларым олоҕум оһуордара» дьоро киэһэ

Кулун тутар 7 күнүгэр Аан дойду Кэрэлэрин күнүнэн Саха Республикатын культуратын туйгуна Өкүндү нэһилиэгин сайдыытыгар кылаатын иһин бэлиэ хаһаайына ырыа аргыстаах культура бэтэрээнэ Агафия Николаевна Петрова 65 сааһынан «Ырыаларым олоҕум оһуордара» дьоро киэһэ ыытылынна.

Бу киэһэ Агафия Николаевна ырыаҕа угуйбут, үөрэппит «Иэйии» дьахталлар,

«Дархан» эр дьон ансамбыллара,

бииргэ төрөөбүт эдьийдэрэ — балыстара,

Саха Республикатыгар улууска ыытыллыбыт ырыа конкурстарын хас да төгүллээх лауреаттара, гран при хаһаайыттара, сцена ветераннара Иван Данилов,

биир дойдулаахпыт Николай Иванов,

Саха Республикатын норуоттарын уус-уран айымньытын сайдыытыгар кылаатын иһин бэлиэ хаһаайына Николай Егоров ылбаҕай ырыаларын,

истиҥ эҕэрдэ тылларын бэлэхтээн көрөөччү биһирэбилин ылыаҕын ыллылар.

Өкүндү нэһилиэгин баһылыга Никифор Владимирович Агафия Николаевнаҕа «Өкүндү бочуоттаах олохтооҕо» үрдүк ааты туттарда.

Бу курдук » Ырыаларым олоҕум оһуордара» дьоро киэһэ истиҥ кэпсэтииннээн, ахтылҕаннаан баян тыаһынан, кэрэ ырыаларынан, урукку-хойукку үҥкүүннэн-битииннэн, минньигэс астаах сандалы остуолунан түмүктэннэ.