Аҕа дойдуну көмүскээччилэр күннэринэн «Төрөөбүт түөлбэм алгыһын ылан» биир дойдулаахпыт Гаврил Гаврильевич Иванов үбүлүөйдээх 75 сааһынан дьоро киэһэ

Саха Республикатын спордун бэтэрээнэ, «Сахаада-спорт» маастара, Саха Өрөспүүбүлүкэтигэр «Өбүгэ оонньууларын сайдыытыгар» кылаатын иһин бэлиэ хаһаайына, Саха Өрөспүүбүлүкэтин уонна Бүлүү улууһун Бочуоттаах бэтэрээннэрэ, Тыа хаһаайыстыбата, улуус Степан Аржаков сопхуоз сайдыыларыгар кылаатын иһин бэлиэ хаһаайыннара. 2019, 2021,2022 сылларга «Сыл бастыҥ спортивнай федерацията» анал аат хаһаайына, «Сыл бастыҥ спортсмена», «Манчаары оонньуулара» спартакиада хас да төгүллээх кыттыылааҕа, кыайыылааҕа. 10 сыл Бүлүү улууһун хаамыскаҕа, хабылыкка федерациятын салайааччыта. Үлэлээбит кэмнэригэр 10 спорт маастарын уһуйан таһаарбыт, Ыччаты патриотическай иитиигэ, спортка көҕүлээччи, уһуйааччы. Өкүндү нэһилиэгин бочуоттаах олохтооҕо Гаврил Гаврильевич Иванов төрөөбүт түөлбэтигэр «Төрөөбүт түөлбэм алгыһын ылан» биир дойдулаахтарыгар дьоро киэһэни бэлэхтээтэ.

Олоҕун, айар үлэтин дьоҥҥо — сэргэҕэ кэпсээн ипсээн, сэһэргээн, ылбаҕай ырыаларын бэлэхтээн, хабылыкка хаамыскаҕа маастар кылаас көрдөрөн,

кэлбит дьону күрэхтэһиннэрэн истиҥ тыҥааһыннаах тэрээһин буолла.