Ахсынньы ый 13 күнүгэр Чинэкэ нэһилиэгэр «Сайдыы — түмсүү бастыҥ түөлбэтэ» көрүү күрэххэ Өкүндү нэһилиэгэ

Ахсынньы 13 күнүгэр Чинэкэ нэһилиэгэр «Сайдыы-түмсүү бастыҥ түөлбэтэ» Бүлүү нэһилиэктэрин көрүү күрэ5эр, куорат таһынаа5ы нэһилиэктэр: Бөкчөҥөө, Сыдыбыл, Бүлүү куорат, Өкүндү уонна Чинэкэ буолан кыттыыны ыллыбыт. Балаһыанньа
ирдэбилинэн:
 — Туос иһит арааһа;
—  Альбом-рапорт;
 — Театрализованнай дьүһүйүү
 — Кыыстаах уол брендовай танаһа «Үлэ – үүнэр, сайдар суол» диэн Балаһыанньа ис хоһоонун тутуһан көхтөөхтүк буолан ааста.
          Биһиги нэһилиэктэн 20 буолан, ол иһигэр оскуолабыт 6-с кылааһын үөрэнээччитэ Оливия Петрова, оскуола коллективыттан  9 үлэһит, нэһилиэнньэ эдэр ыччаттара, “Чэчир” НАДь үлэһиттэрэ кыттыылаах Социалистическай Үлэ Геройа, биир дойдулаахпыт В.П.Трофимова олоҕун кэрчиктэрин арыйар 17 мүн.театрализованнай дьүһүйүүнү көрдөрдүбүт. Дьүһүйүүнү уус-уран салайааччы Дария Каратаева туруорда.
         Биир дойдулаахпыт Л.Н.Петрова тикпит туос иһиттэригэр Дьүүллүүр Сүбэ, көрөөччүлэр да харахтарын хатаатылар, биһирээтилэр. Ол эрэн Балаһыанньаҕа киирбит иһиттэртэн сорох иһит итэҕэһэ түмүк баалы туруорууга оҕуста.
        Нэһилиэкпит брендовай танаһыгар «Уран» түмсүү иистэнньэҥнэрэ көмөлөстүлэр. “Саха Сиригэр Үлэ сыла. Нэһилиэкпит киэн туттуута” диэн 2 лиистээх, А2 кээмэйдээх альбом-рапоры олохтоох библиотекарь С.В.Петрова таҥан, оҥорон таһаарда.                                                   

Бэстибээлгэ кыттыбыт уус-уран самодеятельность кыттыылаахтарыгар, көмөлөспүт, өйөөбүт бар дьоммутугар барҕа махтал тылларын аныыбыт!
       Күндү Өкүндүбүт айар-тутар дьоҕурдаах көхтөөх дьоно-сэргэтэ, өрүү да буоларын курдук биир санаанан салайтаран иннибит диэки, сырдыкка, кэрэҕэ бары бииргэ дьулуһуоҕун!