«Күһүҥҥү биир күҥҥэ» көмүс күһүн тэрээһинэ

Үгэс буолбут күһүҥҥү бырааһынньыкпытын билигин үлэлии олорор дьиэбитигэр тэрийдибит. Төһө да кыара5ас, ыал чааһынай дьиэтэ буоллар, кыра тэрээһиннэри син бириэмэтигэр ыытабыт.

«Күһүҥҥү биир күн» тэрээһиммитигэр о5о уһуйаанын үлэһиттэрэ бэрт тэрээһиннээхтик кытыннылар.

Ол курдук оҕуруот аһын быыстапкатыгар, корзинаҕа олорор куһуттан, буспут, ыһаарыламмыт соботуттан, тугунок, оҕуруот аһыттан кэнсиэрбэ арааһа, киис тиҥилэҕэ, болбукта, дьэдьэн, моонньоҕон, сугун, хаптаҕас, дөлүһүөн, хара, уулаах отоннор, биэ эмиийэ, клюква, физалис барыанньалара, утахтара, кукурузаттан са5алаан о5уруот аһын арааһа хото тардылыннылар.

Айыл5а матырыйаалыттан конкурска Федосия Мандарова хатыҥ сэбирдэҕиттэн хартыыната, Айталина Петрова макраме техникатынан өрүллүбүт декора, детсад үлэһиттэрин кус түүтүттэн оҥорбут хартыыналара уонна о5уруот астаах корзиналара мустубут дьон сэҥээриитин ыллылар.

5 түһүмэхтээх көрдөөх конкурска Вероника Захарова ырааҕынан кыайан бастаан таҕыста. Бу күнү ахта-саныы сылдьар курдук күһүҥҥү фотозона5а хаартыска5а түстүлэр.

«Көмүс күһүн бэлэ5э» диэн күһүн аайы ыытыллар үгэскэ кубулуйбут баай-талым корзинабытын бу сырыыга Айталина Петрова сүүйэн үөрүүтэ үксээтэ.