«Махтал эйиэхэ -Учуутал» учуутал күнүгэр аналлаах тэрээһин

Өкүндү нэһилиэгин «Чэчир» норуот айымньытын дьиэтин үлэһиттэрэ биир да бырааһынньыгы, бэлиэ түгэннэри көтүппэккэ сырыы аайы атынтан- атын, сонунтан- сонун тэрээһиннэри үрдүк таһымнаахтык тиһигин быспакка ыыталлар.

Бүгүн, алтынньы 5 күнүгэр оскуола оҕолорун салайан бэлэмнээн Учуутал күнүнэн соһуччу эҕэрдэ оҥорон үөртүлэр.

Оҕолор хоһоонунан эҕэрдэлээтилэр, улахан кылаас кыргыттара флешмоб үҥкүүлэттилэр, «Чэчир» НАДЬ аатыттан минньигэс торт туттардылар. Саамай кэрэхсэбиллээҕинэн эрдэ оҕолого ыытыллыбыт куоластааһын түмүгүнэн учууталларга анал номинация туттарыыта буолла.

Куоластааһыҥҥа тиксибит учууталлар оҕо үрдүк сыанабылын ылан киһи тэҥэ суох сананныбыт, салгыы оҕо туһугар махталлаах үлэбитигэр кынаттанныбыт. Норуот айымньытын дьиэтин үлэһиттэригэр барҕа махтал тылларын аныыбыт. Үлэҕитин биһириибит, сыаналыыбыт.
В.П.Трофимова аатынан Өкүндү сүрүн уопсай үөрэхтээһин оскурлатын коллектива.