«Кырдьары билиммэт, эдэрдии эрчимнээх» аҕам саастаахтар күннэринэн бырааһынньыктааҕы остуол ыытылынна

Аан дойдутааҕы аҕам саастаахтар күннэринэн нэдиэлэ устата араас хабааннаах тэрээһиннэр ыытылыннылар. Ол курдук Бүлүүтээҕи П.Х.Староватов аатынан краеведческай музейга уонна Тимофей Сметанин «Лоокуут уонна Ньургуһун» киинэтигэр Бүлүү куоратыгар киирэн көрөн, истэн сынньанан, үөрэн- көтөн таҕыстылар. Нэдиэлэ ортотугар кинилэргэ анаан 7 түһүмэхтээх көрдөөх старт ыытыллан, аҕам саастаахтар көхтөөх кыттыыны ыллылар. Түмүктүүр тэрээһининэн «Кырдьары билиммэт, эдэрдии эрчимнээх» тэрилтэлэр күүстэринэн бырааһынньыктааҕы остуол тэрилиннэ. Бу күн үбүлүөйдээх, аат — суол ылбыт дьоннорбутун чиэстээтибит. Үгэскэ кубулуйбут «Үтүө санаа» полка-акция олус тэрээһиннээхтик ытыллан, хас биирдии аҕам саастаах дьон илии тутуурдаах, өттүк харалаах астынан дуоһуйан бардылар. Итии чэйдээх, ырыалаах — тойуктаах баҕа санаалаах истиҥ киэһэ ааста. Араас тэттик оонньуулары оонньоон, үҥкүүлээн, уруккуну санатыһан дуоһуйа сынньанан тарҕастылар.