Арассыыйатааҕы уһуйаан иитээччилэрин күнүн көрсө

Бүгүн Уһуйаан үлэһиттэрин күнүнэн нэһилиэкпит оскуолатын иһинэн үлэлиир детсад коллективын кытары «Эбээ Настаа сэргэтин» таһыгар сэргэх тэрээһин ыытылынна.

Тэрээһин торжественнай чааһын «Өкүндү нэһилиэгэ» МТ дьаһалтатын баһылыгын солбуйааччы Иванова Н. П. олохтоох баһылык Никифор Петров аатыттан Бочуот Грамоталарын ветераннарга уонна директоры оскуола иннинээҕини саастаах оҕолору иитии солбуйааччытыгар Б.Г.Сивцеваҕа туттарыытыттан саҕаланна.

Оскуола директорын уонна улуустааҕы үөрэх управлениетын начальнигын Эҕэрдэ Суруктарын уһуйааҥҥа өр кэмҥэ үлэлээбиттэргэ оскуола директоры үөрэх чааһыгар солбуйааччыта Афанасьева Э.А. туттартаата, үөрүүлээх быһыыга о5о тэрилтэтигэр 40-ча сыл эҥкилэ суох улэлээбит Константинова Софья Ивановнаҕа Үөрэҕирии систематын Бочуоттаах үлэһитэ бэлиэни туттарда.

Долгутуулаах уонна соһуччу үөрүүнү о5о уһуйааныгар 47 сыл сэбиэдиссэйинэн үлэлээбит РФ, СР үөрэҕириилэрин туйгуна, араас бочуоттаах наҕараадалар хаһаайкалара Өкүндү нэһилиэгин Бочуоттаах олохтоо5о Дмитриева Альбина Николаевна бииргэ үлэлээбит коллегаларыгар бүгүҥҥү бырааһынньыктарынан анаан хас биирдиилэригэр анабыл э5эрдэ суруга уонна бэйэтин эскиһинэн со5уруу оцотторбут «Сердце отдано детям» диэн Матрёшка сувенира буолбуттара саарба5а суох.

Маны таһынан детсад коллективын аатыттан Быйаана Григорьевна ветераннарыгар тыыннаах сибэкки дьербетун кытта сэмэй бэлэхтэрин туттартаата.

Бырааьынньыктаа5ы тэрээьин иккис чааһа итии чэйдээх остуол тула олорон Альбина Николаевна суруйан ыыппыт ахтыытын ааһааһынтан са5аламмыта. Остуол тула олорон ветеран үлэһиттэр ахтыыларын, эҕэрдэлэрин иһиттибит, ырыа ыллаан ньиргиттибит.

Онтон хамаанданан «Көрдөөх стартар» , биирдиилээн оонньууллар, бириис сүүйүүтэ,

күһүҥҥү фотозона5а хаартыска5а түһүү үөрүү-көтүү, күлүү-салыы быыһыгар буолла, ол курдук оонньоон-көрүлээн дьыбар түһэн халлаан сөрүүдүйбүтүн, хараҥара быһыытыйбытын да өйдөөбөккө хааллыбыт. Онон быйыл Россияҕа Педагог уонна наставник, СР Үлэ, улууска Доруобуйа сылларын чэрчитинэн ыытыллыбыт О5о уһуйаанын үлэһиттэрин бырааһынньыга хас биирдиибитигэр умнуллубат тугэн буолан хааллаҕа.