Аан дойдутааҕы оҕо көмүскэлин күнүгэр аналлаах «Мин курдук» куйаар ситимин нөҥүө аһаҕас хаартыска күрэҕэ ыытылынна. Араас улуус муннугуттан кыттыыны ыллылар. 1 миэстэни — Вова Голоков, Хаҥалас улууһа, 2 миэстэни — Карина Петрова, 3 миэстэни — Алексар Петров ыллылар.
Улуу Кыайыы күнүгэр нэһилиэк иһинэн «Кыайыы түннүгэ» онлайн күрэх ыытыллыбыта. 1 миэстэни Нина Михайловна, 2 миэстэни Вероника Никифоровна, Саргылана Николаевна, 3 миэстэни Любовь Петровна, Александра Макарова ыллылар.
Бүлүү улууһугар Дойдуга бэриниилээх буолуу сылын чэрчитинэн Сахабыт Өрөспүүбүлүкэтин күнүгэр аналлаах «Сахам сирин былааҕа» аһаҕас илиинэн оҥоһук күрэҕэр 1 миэстэни ылла Үөһээ Бүлүү улууһуттан Мааҥаас нэһилиэгиттэн Васильева Саргылана Васильевна. 2 миэстэни ылла Орто — Сурт, Горнай улууһуттан Алексеева Арианна үһүс кылаас үөрэнээччитэ. 3 миэстэни Сунтаар улууһуттан Кутана нэһилиэгиттэн Максимова Вова, сэттис кылаас үөрэнээччитэ.
Саха Өрөспүүбүлүкэтигэр Аҕа уонна Булчут күннэригэр аналлаах нэһилиэк иһинэн «Күөгү — 2021» күрэх ыытылынна.
Аан дойдутааҕы Дьол уонна Поэзия күнүгэр аналлаах Саха худуоһунньуга Андрей Чикачев хартыыналарынан куйаар ситимин нөҥүө аһаҕас хоһоон айааччыларга күрэх ыытылынна. 14 киһи кыттыыны ылбытыттан Бүлүү улууһун Чинэкэ нэһилиэгиттэн Анна Семенова — Арылы Кустук «Үс бухатыыр» хартыыналарыгар суруйбут «Булчут» хоһооно бастакы миэстэни ылла.
Аан дойду Кэрэ Куоларын күнүгэр аналлаах куйаар ситимин нөҥүө «Күнчээнэ Куо» кырачаан кыргыттарга күрэх ыытылынна. 1 миэстэни ыллылар Варя Веревкина Тааһаҕар нэһилиэгэ, Инесса Петрова Өкүндү нэһилиэгэ, Динара Михайлова Чинэкэ нэһилиэгэ, Алиса Иванова Сыдыбыл нэһилиэгэ, Иванна Каратаева Булуу куората.
МБУ ДНТ "Чэчир" МО "Екюндюнский наслег" МР "Вилюйский улус (район)" РС(Я) 
