Самаан сайыны көрсө салама ыйааһына

Ыам ыйын 29 күнүгэр нэһилиэкпит Далбар Хотуттара үгэс быһыытынан самаан сайын салаллан кэлбитин, күөх сирэмҥэ үктэммити бэлиэтээн, Эбэбитин аһатыы сиэрин- туомун толорон, салама ыйыы тахса сырыттылар. Сахалыы мааны таҥастаах кырдал устун хаамыстылар, оҕо сааһы эргитэн оонньоон-көрүлээн, хонуу устун сырсан күрэхтэһэн көрү-нары көҕүлүттэн тутан, мааны астаах сандалы тула олорон сэһэн-сэппэн дэлэтэн дуоһуйа сынньаннылар, үөрдүлэр-көттүлэр. Өбүгэ үгэһинэн, үөрүүлээх алгыстаах оһуокайга А.В. Мандарова түмэ тарта. Сылын аайы аҕам саастаахтары көҕүлээн «Чэчир» НАДЬ үлэһиттэрэ кинилэри арыаллаан, оонньуу тэрийэн, бириис уунан тэрээһини киэргэтэллэригэр сылаастык махтанан, дуоһуйан тарҕастылар. Өбүгэбит үтүө үгэһин мэлдьи өрө тутуо5уҥ

Добавить комментарий

Ваш адрес email не будет опубликован. Обязательные поля помечены *

Яндекс.Метрика