Өкүндүгэ «Кэриэстэбил чүмэчитэ» акция ыытылынна

Бүгүн ыам ыйын 8 күнүгэр сэрии толоонуттан төннүбэтэх буойуттар, Кыайыыны үлэ фронугар, тыылга уһансыбыт биир дойдулаахтарбыт кэриэстэригэр үгэс буолбут «Кэриэстэбил чүмэчитэ» аахсыйа ыытылынна. Кыра нэһилиэк диэтэххэ оҕолуун-уруулуун, эдэрдиин-эмэнниин элбэх дьон тоҕуоруһа мустубута кэлбит дьону үөртэ да, долгутта да. «Чэчир» НАДь үлэһиттэрэ олохтоох автор Николай Кузьмин хоһоонун аахтылар, сэрии толоонугар охтубут буойуттары ааттаан, ахтан аастылар. Биир мүнүүтэ саҥата суох сөҥүөрэн турдубут уонна Улуу Кыайыыны уһансыбыт дьоммут кэриэстэригэр уоттаах чүмэчилэри уурдубут.
Ким да умнуллубат, туох да умнуллубат…