МБУ ДНТ "Чэчир" МО "Екюндюнский наслег" МР "Вилюйский улус (район)" РС(Я) 
Бүгүн биһиэхэ Аан Дойдутааҕы Аҕа саастаахтар күннэригэр аналлаах 70-80 сылларга аналлаах ретро истииллээх дьоро киэһэ ыытылынна. Нэһилиэкпит Аҕа саастаахтара бары көхтөөх кыттыыны ылан дуоһуйа сынньаннылар.
Остуолу иилээн саҕалаан ыытта Саха Республикатын үөрэҕэриитин туйгуна Анна Васильевна Мандарова.
Бастакы түһүмэххэ үбүлүөйдээх Аҕа саастаахтарбытын эҕэрдэлээһинтэн саҕаланна, ол курдук оскуолаҕа өр сылларга библиотекарынан үлэлээбит Елене Николаевна Данилова 75 сааһын, оҕо саадыгар өр кэмнэргэ үлэлээбит Зоя Михайловна Иванова 70 сааһын үбүлүөйдэринэн эҕэрдэлээтибит.
Олохтоох дьаһалтаттан «Өкүндү нэһилиэгэ» Муниципальнай тэриллии баһылыгын солбуйааччы Надежда Петровна Иванова, Социалистическай Үлэ Геройа Варвара Петровна Трофимова аатынан Өкүндү ситэтэ суох орто оскуолатын директора Алексей Васильевич Шадрин, Өкүндү нэһилиэгин бэтэрээннэр сэбиэттэрин председателя Федосия Адексеевна Мандарова эҕэрдэлэрин, сэмэй бэлэхтэрин туттардылар.
Бырааһынньыктааҕы остуолу Саха Республикатын ырыаларын конкурстарын хас да төгүллээх Гран-При хаһаайыннара, Лауреаттара Иван Васильевич Данилов көмүс куолаһынан киэргэттэ. Хас биирдии кэлбит киһи бэйэлэрин сэмэй тылларын эҕэрдэлэрин тириэртилэр.
остуолбут иккис түһүмэҕэр «Күһүҥҥү киһи күлбүтүнэн» лотерея оонньонно. Хас биирдии ыалдьыт өттүк харалаах, илии тутуурдаах үөрэн — көтөн бардылар.
Биир умнуллубат түгэнинэн буолла 70-80 сыллардаах кэрэ көстүүлээх муодалары Григорьева Антонина Дмитриевна, Мандарова Федосия Алексеевна уонна Тарасова Дария Дмитриевна көрдөрөн дьон биһирэбилин ыллылар.
Ону таһынан араас оонньуулар, тэттик күрэхтэр ыытылыннылар.