Саха Өрөспүүбүлүкэтин Судаарыстыбаннаһын күнүгэр аналлаах үөрүүлээх миитин

Бүгүн о.э. Балаҕан ыйын 27 күнүгэр Саха АССР төрүттэммитэ 100 сылыгар уонна Саха Өрөспүүбүлүкэтин Судаарыстыбаннаһын күнүгэр аналлаах үөрүүлээх миитин ыытылынна.

Үөрүүлээх миитин Россия, Саха Сирин гиимининэн саҕаланна. Аҕа баһылык Никифор Владимирович Петров,

Социалистическай Үлэ Геройа Варвара Петровна Трофимова аатынан Өкүндү сүрүн уопсай үөрэхтээһин оскуола директора Алексей Васильевич Шадрин,

нэһилиэк сэбиэтин ветераннарын ааттарыттан Өкүндү нэһилиэгин Бочуоттаах олохтооҕо, олохтоох автор Нина Михайловна Иванова эҕэрдэ тыл эттилэр.

Бу ый балаҕан ыйын 11 күнүгэр олохтоох представиттеллээх орган депутаттарын талыы быыбара буолан ааспыта, ол түмүгүнэн биһиги нэһилиэккэ 7 депутат талыллыбыта.

Участоктааҕы быыбардыыр хамыыһыйа председателин солбуйааччыта Светлана Сабитовна Евсеева үөрүүлээх быһыыга — майгыга талыллыбыт депутаттарга временнай удостоверениялары туттартаата.

Биир үөрүүлээх түгэнинэн нэһилиэк депутаттара «Сахам сирин» туһунан хоһооннору этэннэр дьон-сэргэ биһирэбилин ыллылар. Олохтоох автор Нина Михайловна бэйэтин суруйуутугар «Сахам тыла» диэн хоһоонун долгуйа иһиттилэр.