МБУ ДНТ "Чэчир" МО "Екюндюнский наслег" МР "Вилюйский улус (район)" РС(Я) 
Көмүс күһүммүт күлүмүрдээн кэллэ, ону кытта биһиги үгэскэ кубулуйбут кэтэһиилээх күһүнү көрсөр «Көмүс күһүн» тэрээһиммит ыытылынна.
Бу тэрээһиммит 4 араас күрэхтэн турда. Бастакы күрэхпит «Айылҕа маанылаах бэлэҕэ» түөлбэнэн остуол киэргэтиитэ, онно көмүс күһүн бэлэхтээбит оҕуруот астарын, араас отонтон оҥоһуллубут барыанньалары, кыһыҥҥыга хаһааммыт кэнсиэрбэлэри, күһүҥҥү декордарынан остуолга кыраһыабайдык ууран күрэхтэстилэр.
Бу күрэххэ «Байылыат» түөлбэ бастакы миэстэни ылла. Атын да түөлбэлэр бэрт кыһамньылаахтык тэрээһиннээхтик кытыннылар.
Иккис күрэхпит «Все краски осени» айылҕа матырыйаалыттан поделка күрэҕэ, нэһилиэк Бочуоттаах олохтооҕо Нина Михайловна Иванова оҥоһуга бастакы миэстэни ылла.
«Иэйии» дьахталлар ансамбыллара, алын сүһүөх 1 кылааһын үөрэнээччилэрэ ыллаан киэргэттилэр.
Үһүс күрэхпит «Я и Золотая осень» хаартыска күрэҕэр Карина Петрова 6 кылаас үөрэнээччитэ бастаата.
Көмүс күһүммүтүгэр биир кэтэһиилээх күрэхпит «Күһүҥҥү хаһаайка — 2022» ыытылынна.
Бу күрэххэ түмсүүттэн, тэрилтэттэн уонна түөлбэттэн иккилии хаһаайка кыттыыны ыллылар. Күрэхпит 4 түһүмэхтэн турбута, ол курдук визитка интервью, очумелые ручки (тута сорудах),
бириэмэҕэ сорудах уонна түмүктүүр түһүмэхпит «Осенняя шляпа» ( дьиэтээҕи сорудах). Бары хаһаайкалар көхтөөх кыттыыны ыллылар, дьиэтээҕи үлэлэригэр «Осенняя шляпа» түһүмэххэ
сиэдэрэй, кэрэ көстүүлээх айылҕа матырыйаалыттан шляпа оҥостон, киэргэтэн кэлэннэр дьон биһирэбилин ыллылар.
Күрэх түмүгүнэн Нюргуяна Петрова, Мария Михайлова бастакы миэстэни ыллылар.
Ону таһынан оҕолорго көрдөөх стартар, велогонка күрэҕэ буолбута.
«Күһүҥҥү киһи күлбүтүнэн» диэн оҕуруот аһыттан уонна айылҕа биэрбит бэлэҕиттэн икки араас корзина розыгрыш оонньонно. Көмүс күһүн бырааһынньыгар көхтөөх кыттыыны ылбыт дьоннорбутугар махталбытын тириэрдэбит.