МБУ ДНТ "Чэчир" МО "Екюндюнский наслег" МР "Вилюйский улус (район)" РС(Я) 
Аан дойдутааҕы Оҕо көмүскэлин күнүн көрсө «Чэчир» НАДь оҕолорго дьоро күн бэлэхтээтэ.
Оскуола спортзалыгар биэс уонча оҕо кэлэн араас оонньуу оонньоото, минньигэс баата, араас утах атыыланна.
Ордук сөбүлээн, интэриэһиргээн оҕолорго киэҥник тарҕаммыт «Игра в кальмара» диэни оонньоотулар.
Кыайыылааҕынан Марислава Иванова (5 кылаас үөрэнээччитэ) таҕыста, харчынан наҕараадаланан үөрдэ-көттө.
Иккис миэстэҕэ Марсель Петров тахсан эмиэ бирииһинэн наҕараадаланна. Ол таһынан бары хамаандаҕа арахсаннар көрдөөх эстафета оонньоотулар.
Бары кыттыбыт оҕолор минньигэс бириис тутан сэргэх тэрээһин түмүктэннэ. Бары кыттааччыларга, төрөппүттэргэ, оскуола директора А.В. Шадриҥҥа махталбытын этэбит. Мэлдьи маннык көхтөөх буолуҥ, саппаҕырбат оҕо саас сатыылаатын, дьол эрэ тосхойдун.
