Өкүндүлэр Хохочойдооҕу быһылаан 100 сылын бэлиэтээтилэр

🚩🚩🚩 Бүгүн, муус устар 2️⃣1️⃣ күнүгэр Хохочой мэҥэ бэлиэтин таһыгар бэрт сэргэх, өрө күүрүүлээх тэрээһин буолла. САССР 1️⃣0️⃣0️⃣ сыла уонна Хохочойдооҕу быһылаан 1️⃣0️⃣0️⃣ сыла быстыспат сибээстээх даталар буолаллар. Ол курдук Саха сиригэр сэбиэскэй былаас олохтонорун туһугар 17 эр бэрдэ бу Хохочой тыатыгар суорума суолламмыттара. Арыйыы миитиҥҥэ кыттыыны ыллылар «Бүлүү улууһа» МТ Аҕа баһылыга С.Н.Винокуров, «Өкүндү нэһилиэгэ» МТ баһылыга Н.В.Петров, улуус бэтэрээннэрин сэбиэтиттэн Седалищев Д.С., биир дойдулаахпыт Л.Я.Кононова, улуус эдэр ыччакка политикатын специалиһа Лущевская А.В., Бөтүҥ нэһилиэгин баһылыга Прокопьев А.И., Бөтүҥ нэһилиэгин ытык кырдьаҕаһа Н.Н.Иванов уо д а.

Мэҥэ бэлиэ иннигэр элбэх ахтыы тыл этилиннэ, улуус дьаһалтатын аатыттан махтал суруктар туттарылыннылар.

4 кылаас үөрэнээччитэ Оливия Петрова И.Гоголев «Хохочой» хоһоонун аахта, мэҥэ бэлиэҕэ күөх гирлянда уурулунна, кэриэстэбил мүнүүтэ кэннэ оскуола уолаттарын ансамбылларын кытта мустубут дьон бары күргүөм Хохочой туһунан ырыа ыллаан ньиргиттилэр.

Билигин Өкүндү оскуолатын директорын иитэр үлэҕэ солбуйааччы Б.Н. Васильев уонна кадет интернатын байыаннай чааһыгар салайаачы А.А.Поскачин «Zа победу» диэн бырайыактарынан байыаннай патриотическай оонньуу буолла. Оҕолор сүүмэрдэммит хамаандалара 6 көрүҥҥэ күрэхтэстилэр. Бастакы түһүмэх — «Пожарно-прикладной спорт» диэн спецтаҥас кэтиитигэр эстафета. Иккис түһүмэх — «Снайпер», сыал ытыыта. Үс түһүмэҕинэн «Уничтожение огнем точек противника» диэҥҥэ граната быраҕыыга күрэхтэстилэр. Төрдүс түһүмэх — «Минное поле», хаар анныттан мина көрдөөһүнэ. Бэһис түһүмэххэ хамаандалар канат тардыстылар.

Бүтэһик түһүмэх «Военный эрудит», интеллектуальнай оонньуу буолла. Түмүгэр Хампа хамаандата бастакы миэстэ, Өкүндү — иккис миэстэ, Бөтүҥ — үһүс, Чинэкэ — төрдүс, Тааһаҕар — бэһис миэстэҕэ тигистилэр.