Муус устар 18 күнэ – Хохочойдооҕу трагедия буолбут күнэ

САССР 100 сыла. Хохочойдооҕу трагедия 100 сыла… бу быстыспат сибээстээх даталар.
Улуу Өктөөп революциятын кэннинээҕи гражданскай сэрии таарыйбатах нэһилиэгэ Саха сиригэр суох. Ол курдук, 1922 сыллааҕы Хохочой трагедията биһиги нэһилиэкпит территориятыгар буолбута биллэр.
1922 сыллаахха Дьокуускайтан Бүлүү куорат оборонатыгар көмөҕө борокуотунан Снитко этэрээтэ иһэрин истэн, бандьыыттар күрээн эрэллэрин билэн Үрүҥ Күөл, Өкүндү олохтоохторо оҕолорун, дьиэ кэргэннэрин күрэтэн Арыыга, Тэҥкэҕэ куоппуттар. Ырыа аргыстаах этэрээт атынан ааспыт тыастарын Өкүндүлэр истибиттэр этэ. Онтон тоһуурга сыппыт бандьыыттар 17 комсомолу ыттыы ытыалаан өлөрбүттэр. Нэһилиэк оччотооҕу дьонун ортотугар саҥа олохтоммут сэбиэскэй былааска бэриниилээх, кыттыгастаах дьон баара. Элэмтэттэн Александров Гаврил Никитич – Снитко этэрээтин байыаһа, Бүлүү куорат оборонатын кыттыылааҕа, Бөкчөҥөөттөн Дмитриев Андрей Прокопьевич – партизанскай этэрээккэ пулеметчигынан сылдьыбыта.
50 сылларга манна памятник – беседка тутуллубута, онтон бу билиҥҥи памятнигы 1968 сыллаахха Кыһыл Сыыр комсомолецтара туруорбуттар. «Штык прикованный к земле».

Өкүндү нэһилиэгин олохтоохторо, оскуолатын оҕолоро, ыччаттара, кырдьаҕастара мэлдьи бу мэҥэ бэлиэни ыраастыы, хомуйа сылдьаллар. Хохочой геройдарын чиэһигэр араас тэрээһиннэри ыытан кэлэр көлүөнэҕэ кэриэстэбил өйдөбүлүн хаалларан иһэр үтүө үгэстээхтэр.

Добавить комментарий

Ваш адрес email не будет опубликован. Обязательные поля помечены *

Яндекс.Метрика