МБУ ДНТ "Чэчир" МО "Екюндюнский наслег" МР "Вилюйский улус (район)" РС(Я) 
Бүгүн о.э. Кулун тутар 31 күнүгэр Үлэ Геройа В.П.Трофимова аатынан оскуола актовай залыгар бэрт сэргэх, өрө күүрүүлээх тэрээһин буолан ааста.
Ол курдук саҥа «Трофимова Варвара Петровна. Өрөгөйдөөх «Якутскай» сопхуос» кинигэ сүрэхтэниитигэр ыалдьыттаатылар кинигэ автора СР агропромышленнай комплексын, Тыатын хаһаайыстыбатын Бочуоттаах үлэһиттэрэ Николай Филиппович Трофимов, СР суруйааччыларын союһун чилиэнэ, СР культуратын туйгуна Н.И.Иванов, Бүлүү улууһун уонна СР бочуоттаах ветерана, «Гражданскай килбиэн» бэлиэ кавалера Н.Н.Иванов, үөлээннээхтэрэ, биир дойдулаахтара С.П.Алексеев, Н.И.Кондаков.
Тэрээһин 6-с кылаас үөрэнээччитэ Диана Балданова В.П.Трофимова олоҕун, үлэтин туһунан докладынан саҕаланна (сал. Протопопова Е.П.). Николай Филиппович уонна Николай Иванович саҥа кинигэлэрин сиһилии билиһиннэрдилэр, оскуола библиотекатыгар, биирдиилээн оҕолорго, үөлээннээхтэригэр бэлэх ууннулар. Н.И.Кондаков Н.Ф.Трофимов сэргэх ырыаларынан мустубут дьону үөртүлэр.
Семен Петрович, Николай Иванович оһуохайдарыгар оҕолуун улаханныын сэлэлии турдубут.
Түмүккэ Өкүндү нэһилиэгэ МТ баһылыга Никифор Петров кинигэ авторыгар эҕэрдэ сурук, оскуола директора Алексей Шадрин түгэнинэн туһанан оскуола меценаттара Н.Н.Ивановаҕа уонна Н.И.Ивановка, Герой туһунан кинигэ авторыгар махтал суруктары, өйдөбүнньүк бэлэхтэри туттарда.
Оскуола үөрэнээччилэрэ Семен Данилов «Кимий диибин» диэн Герой ыанньыксыт туһунан хоһоонун ааҕан иһитиннэрдилэр. Автор Н.Ф.Трофимов оскуола бастыҥ общественник активист оҕотугар, 6 кылаас үөрэнээччитигэр Айылҕан Ивановка бэйэтин кинигэтин бэлэхтээтэ.
Тэрээһин В.П.Трофимова бюһугар гирлянда ууруутунан түмүктэннэ. Кинигэ сүрэхтэниитин иилээн-салайан ыыттылар «Чэчир» НАДь үлэһитэ У.Г.Иванова уонна олохтоох библиотека сэбиэдиссэйэ М.Д.Михайлова.
