Иван Васильевич Данилов 75 сааһыгар анаммыт «Таптыыбын төрөөбүт дойдубун» диэн кэнсиэрдэ бэрт сэргэхтик буолан ааста.

Ахсынньы 4 күнүгэр Республикатааҕы ырыа күрэхтэрин Гран При хаһаайына, «Эн сулускун 50+» телевизорынан күрэх финалиһа, «Саха Республикатын норуотун айымньытыгар кылаатын иһин» бэлиэ хаһаайына, Өкүндү нэһилиэгин бочуоттаах олохтооҕо Иван Васильевич Данилов — Ырыа Дуолан 75 сааһын туолар үбүлүөйдээх кэнсиэрэ М.Жирков аатынан культура дыбарыаһыгар үөрүүлээх быһыыга — майгыга буолан ааста. Кэнсиэргэ кыттыыны ыллылар «Эн сулускун 50+» финалистара, кыттыылаахтара, юбиляр үөлээннээхтэрэ — сцена ветераннара Агафия Петрова, Николай Иванов. Үрдүк сыанаттан үбүлүөйдээх ырыаһыппытын эҕэрдэлээтилэр «Бүлүү улууһа» МО дьаһалтатын баһылыгын солбуйааччы И.И.Евсеев, СР культуратын үтүөлээх үлэһитэ Н.Н.Иванова, «Өкүндү нэһилиэгэ» МТ баһылыга Н.В.Петров, кэнсиэр кыттыылаахтара уо.д.а.