«Эбээ сиэнинээн», кулун тутар 7 күнэ, 2020 сыл

Быйыл кэрэ аҥардар күннэригэр анаан «Эбээ сиэнинээн» күрэх ыытылынна. Ол курдук күрэхпитигэр нэһилиэкпит саамай көхтеех эбээлэрэ Дария Тарасова сиэнинээн Сахаайалыын, биэс сиэннээх Саргылана Осипова Алисалыын, үс сиэн эбэтэ Петрова Вероника Камиллалыын, сэттэ сиэн эйэҕэс эбэтэ Саргылана Петрова улахан сиэнинээн Саиналыын уонна алта сиэн эбээлээтэр эбэтэ Федосия Мандарова Анжеликалыын кытыннылар. Эдэрдии эрчимнээх, кырасыабай эбэлэрбит сиэннэрин кытары түспүт хаартыскаларын билиһиннэрдилэр, сөбүлүүр дьарыктарын кэпсээтилэр, ыйытыктарга хоруйдаатылар, байыаннай таҥастаах тахсан хамаанданы толордулар, талба талааннарын арыйан ыллаан да ыллылар, үҥкүүлээн тэлээрдилэр, хомустаан дьүрүһүттүлэр, остуоруйалаан да ыллылар. Бүтэһик түмүктүүр түһүмэххэ эйэҕэс эбээлэрбит, кэрэчээн сиэннэринээн биир стиллээх таҥаһы таҥнан хааман – сиимэн, туттан – хаптан көрдөрдүлэр. Күрэх түмүгүнэн Вероника уонна Камилла Петровалар «Бастыҥ Эбээ» уонна «Бастыҥ сиэн кыыс» буоллулар.

rbt
rbt
rbt

Добавить комментарий

Ваш адрес email не будет опубликован. Обязательные поля помечены *